හොදම යාළුවා

හීනෙන් මොකට පෙනුනද මන්දා…
දැක්ක විදිහට ඔහේට වඩා මම උසයි.
උඹ වෙනස් වෙලාම නෑ.
උඹව වෙනස් නොකර තියාගන්න මම කොච්චර බැලුවද?
උඹ නිසා මම කොච්චර වෙනස් වුනාද?
සල්ලි වලට මිනිස්සු වෙනස් වෙනවා කියලා
තාමත් පිලිගන්න මම කැමති නෑ.
අඹ ගස උඩ හොරෙන් තැඹිලි බීපු හැටි…
වෙලේ සරුංගල් ඇරපු හැටි…
ඇලේ මාලු අල්ලපු හැටි…
උඹට දැන් මතකද මන්දා.
දෙල්ගහවත්තෙ ඕවිටේ හැම ගහකටම…
පමුණුවෙ හැම පාරකටම…
ඇලේ හැම දියබරියෙක්ටම වගේම
පතිරගොඩ වෙලේ බෝක්කුවටත්
අපේ සුවඳ මතක ඇති.
ගමටම කියල යන්න යද්දි
ගේ ඉස්සරහ හිටපු
දුප්පත් කොල්ලාව අමතක වුනාද?
පොසොන් මාසෙ ලංකාවට ආපු කෙනාගෙ රහස කියන්න
පෝයට වරෙන් දන්සල් වදින්න.

ප.ලි – හැම රහසක්ම දැන ගත්තු උඹට මේ රහස විතරක් නොකියා ඉන්න එක මාර වදයක් මචං.

%d bloggers like this: